.aitxu!

EITBko kazetariek euskaldunei esanak erdaraz errepikatzeko eskatzea normaltzat jo du Jaurlaritzak

2012-02-11T07:51:00.002+01:00

"Lankide bati gertaturikoak aspaldiko kontu bat piztu zuen sarean, eta horren harira galdera iritsi da gaur Eusko Legebiltzarrera. Aralarreko Mikel Basabek egin dio Blanca Urgell Kultura sailburuari: ea ETBko kazetarien ohitura hori, euskaldunei esanak erdaraz errepikatzeko eskatzekoa, ezabatu daitekeen, eta euskara agerikoagoa izan daitekeen horrela ETB2n. Urgellek erantzun dio ados dagoela euskararen bisibilitatearen kontuarekin, zentzuzkoa dela euskaldunen hitzak behin esan eta bi kateetan agertzea, baina gehitu du gauzak horrela egitea, "normaltasunaren" seinale diela, eta gainera hala omen dago adostua eta arautua: elebidunei bi aldiz eskatzea gauza."

Luistxo Fernandezek idatzia

"Euskara Bizia" batzordea sortu du Bizkaiko Aldundiak

2012-02-10T08:44:00.001+01:00

Bizkaiko Foru Aldundiko Gobernu Kontseiluak "Euskara Bizia" batzordea sortzea erabaki du, Bizkaiko Lurralde Historikoan euskararen alde lan egiten duten elkarteak laguntzeko eta haien jarduerak koordinatzeko. Batzorde hori kide anitzeko organo aholku-emaile bat izango da eta Bizkaiko Foru Aldundiko Kultura Sailari atxikita egongo da.

Honako eginkizun hauek izango ditu, besteak beste:

euskararen alde lan egiten duten elkarteen arteko koordinazioa eta lankidetza sustatzea
Aldundiaren jardunari buruzko neurriak proposatu eta bideratzea
gomendioak eta proposamenak egitea
eta elkarte eta erakundeen arteko harremanetarako eta komunikaziorako foro gisa jardutea.

Batzordeak kide hauek izango ditu: Bizkaiko Foru Aldundiko hiru ordezkari (Kulturako diputatua, Euskara Sustatzeko zuzendari nagusia eta Hizkuntza Gizarteratzeko Ataleko burua) eta erakunde hauetako ordezkari bana: Eudel, Alkarbide, Azkue Fundazioa eta euskararen alde lan egiten duten elkarteak, erakundeak eta pertsona ospetsuak.

Kulturako diputatuak berak izendatuko ditu elkarteak, erakundeak eta pertsonak, foru agindu bidez, eta Josune Ariztondo Kultura diputatua izango da lehendakari.

Sustatu

Bertsoafaria

2012-02-09T20:55:00.001+01:00

Larunbatean, otsailaren 11an, gaueko 21:00etan Gazte Asanbladako gazteek, bertso afaria antolatu dute Sekeko Gaztetxean, Imanol Uria eta Peio Arondo bertsolariekin. Txartelak 6eurotan daude salgai Plaza Beltzan Kulturgunean eta Herriko Tabernan. Gogoratzea ere hurrengo asteburuan otsailaren 18an, inauteriak ospatuko dutela Urkoko Polikiroldegian, informazio gehiago jasotzeko, haien blogean ikusgai dago.

Sopela.net

Zubietako inauteriak AEBetako dantzari baten begietan

2012-02-09T20:50:00.002+01:00

Europako ezpata-dantzak ikertzen diharduen AEBetako dantzaria da Jeremy Carter-Gordon. Duela hilabete batzuk Euskal Herrian bizitako zenbait esperientzia deskribatu zituen bere blogean, eta oraingoan, harri eta zur geratu da Zubietako inauteriekin. Ingelesezko kontakizuna eta argazki-erreportaia bikaina (irudi libreak).

Sustatu

Nork dio euskara hizkuntza pobrea dela? Daflipank!

2012-02-09T20:48:00.000+01:00

Ohikoak dira “no me rayes” edo “no me des la brasa” bezalako esamoldeak gazteon artean. Berriak dira, baina kalean, lagunartean, gurasoekin, edo eskolan irakasleei zuzentzerako orduan oso zabalduta dauden esaldiak dira. Badakigu euskara ez dela hizkuntza pobrea, eta hortaz, eurakin bat egin eta 21 aditz trinko bildu dituzte eitbkoek , XXI. menderako aproposak iruditu zaizkienak.
Jolastu eta barre egin euskaraz modan dauden aditz trinkoekin eta, noski, proposatu zureak!

Zer esan nahi ote hurrengoekin?

Dazabalgu? / Direkigu?
Dasobera!
Dabaike
(Hik) krakank!

Eitb

Santa Ageda-Olariaga

2012-02-04T10:26:00.000+01:00

"Dekretuz euskalduntzea" ez da euskalduntzea

2012-01-31T17:36:00.001+01:00

Eusko Jaurlaritzak iragarri zigun 2011. urtearen bukaera aldera dekretu bat aterako zuela, herritar batzuei euskara ziurtagiriak emateko: unibertsitateko ikasketak euskaraz egin dituztenei EGAren pareko maila aitortuko die, DBHren erdia euskaraz ikasi dutenei B1 maila, Batxilergoaren erdia euskaraz egin dutenei 2. hizkuntz eskakizuna... Siglen saltsa horren erdian arriskua dugu arazoaren muina zein den ez konturatzeko. Eta arazoaren muina hau da: Jaurlaritzak euskara maila bat aitortuko dio euskara mailarik ez duen jende multzo bati.
Sustatu

Inauteriak Iturenen

2012-01-30T20:03:00.002+01:00

Urteroko errituala bete dute Iturenen, iritsi baitira inauteriak: ardi larruak, ttuntturroak, joareak eta isipuak hartuta, hara joan dira Zubietako eta Aurtizko joaldunak. Argazki gehiago, hemen.

Agate Deuna

2012-01-30T19:56:00.002+01:00

Otsailean, jai ezagun bi ospatzen ditugu. Alde batetik, 3an San Blasak, eztarriko minak sendatzen dituen santuaren omenez. Tradizioaren arabera, kordel fina eraman behar da lepoan bederatzi egunez, etorkizunean eztarriko gaixotasunik ez izateko. Bestalde, handik egun batera, otsailaren 4an, Santa Ageda bezperan, koru ugari Euskal Herriko herrietan eta hirietan zehar ibiltzen dira, santaren abestia kantatzen. Musikaren erritmoa markatzeko, makila luzeekin lurra kolpatzen dute.

Zuek, badakizue nor zen Agate Deuna? Hementxe Wikipedian aurkitutakoa.Aterako zarete ? Zein kanta? Herrian elkarte batzuk aterako dira, honako baldintzak bete beharko dituztelarik.

Txillardegi agur eta ohore Donostia

2012-01-30T09:22:00.000+01:00

Gartxot filma Sopelako Kurtzion

2012-01-20T19:41:00.002+01:00

Igandean, hilak 22, arratsaldeko 18:30ean Gartxot filma proiektatuko da Sopelako Kurtzio Kultur Etxean.Sarrera dohainik izango da, eta aurretiaz lor daiteke Sopelako Udalean, Larrabasterrako udal bulegoan (Sopelarin) eta Kurtzio Kultur Etxean bertan.

Txillardegi, euskara ikasten nolatan hasi zen

2012-01-18T11:34:00.002+01:00

Euskara ikasten nolatan hasi zen

Ahotsak.com

Garden Center euskaraz atseginez

2012-01-17T16:34:00.000+01:00

Sopelako ostalari eta dendarien bloga martxan

2012-01-11T18:28:00.004+01:00

SOPELAN EUSKARAZ ATSEGINEZ kanpainarekin jarraituz ostalari eta dendarien bloga atzo martxan hasi zen.

Bertan aurkituko dituzue: egitasmoaren helburuak, merkatari eta ostalarientzat baliabideak, egitasmoan parte hartu duten Sopelako merkatariak banan-banan alfabetikoki edo gaika sailkaturik. Laster berriak eta elkarrizketak ere bertan ikusgai izango dira.

Beraz blog honetan bezeroei arreta euskaraz prest emateko Sopelako hainbat arlotako profesional, merkatari zein ostalari aurkituko dituzue.

Blogaren inguruko zalantzak argitzeko edo proposamenak egiteko jarri gurekin harremanetan edo ondorengo helbidean:

URIBE KOSTAKO ZERBITZU MANKOMUNITATEA

EUSKARA ZERBITZUA

Gatzarriñe 4 Sopelana

94-657.92.79

euskera5@uribekosta.org

Halandaze... Sopelan erosketa ona izan!

http://egitasmoa.wordpress.com/

Hizkuntza baliatu

2012-01-11T18:08:00.002+01:00

"Oraindik ere ulergaitza egiten zait Euskal Herrian aritu nahi duten entitateek hizkuntzaren irizpidea aintzat ez hartzea eta erantzukizunez ez jokatzea. Zergatik ote?.." dio Robe Gutierrezek Zuzeu egunkari digitalean

Euskaraz atseginez proiektuaren bloga

2012-01-08T19:23:00.001+01:00

Asteartean Euskaraz atseginez agitasmoaren blogaren aurkezpena izango da. Sopelako udaletxeko hallean arratsaldeko 20:00etan.

Euskaraz seguru gidaliburua

2012-01-05T17:15:00.002+01:00

EHUko AZPko langileentzat idatzitako gidaliburua duzue Euskaraz seguru hau. Euskaraz lan egiteko autonomia eta segurtasuna irabaztea da gidaliburu honen helburua. Baina, era berean, modu fresko eta berri baten bidez.

Mendiko argazkiekin ilustratuta dago liburua, lanean euskara erabiltzeak dakarren ahalegina, ausardia, liberazioa, plazera eta atsegina irudikatu nahirik.

Emunen aholkularitzarekin egindako eskuliburua da.

Lantalan

Urte barri, txarri belarri, deukonak ezteukonari, nik ezteukot eta neri

2011-12-30T07:43:00.001+01:00

Urte berri eguna, ez dala egun txarra, kortara jausi dala gure sapai zarra; daukanak eztaukanari, nik eztaukat eta neri, kantaretan bat, kantaretan bi, ekazu agiñaldo Jangoikoagatik; agiñaldo, agiñaldo, bota gaztañak ta ixilduko

Gotzon Garate

Zatoz Nevadara eta ezagutu Euskal Herritik kanpo bizi den euskal komunitaterik handiena!

2011-12-29T07:46:00.004+01:00

Honelaxe dio Noemi Riverak zuzeu egunkari digitalean :
"Estatu Batuetan ikasten nintzela, Lake Tahoera eskapadatxo bat egin nuen asteburu-pasa lagunekin. Lake Tahoe Kalifornia eta Nevadako mugan dagoen lakua da eta izen bereko herrian landetxe bat alokatu genuen pinu artean. Etxeko egongelako mahaian zeuden ongi etorri-gidetako bat ireki nuenean, sorpresa atsegin batekin egin nuen topo: “EUSKARA!” izenburupean, Nevadan bizi den euskal komunitateari eskainitako orrialde osoko testua aurkitu nuen."
Gehiago irakurri

Oporretan ere zinema euskaraz!

2011-12-29T07:39:00.000+01:00

Streaming bidez ikus ditzakegun filmak hementxe

Olentzero eta zuhaitzak

2011-12-23T09:37:00.000+01:00

Eguberri ON danori!

Bertsolari dokumentalaren emanaldia Kurtzion

2011-12-21T18:35:00.003+01:00

Abenduaren 26an arratsaldeko 19:00 KURTZIO Kultur etxean

Eta ondoren….

Xabi Paya eta Asier Altunarekin mahai-ingurua

Zure ziztada behar dugu :)

2011-12-17T05:55:00.000+01:00

Espainiar hizkuntz nazionalismo hegemonistaz

2011-12-16T08:18:00.000+01:00

Beñat Sarasolaren bitartez heldu da niganaino honako bideoa. Bertan Juan Carlos Moreno Cabrera Madrilgo Universidad Complutenseko katedradunak Espainian zeharo hedatu den gazteleraren inguruko diskurtso nazionalistaz hitzegiten du, zuzen eta argi.

Zuzeu

Gerrikoa estutzeko !

2011-12-14T15:22:00.001+01:00

Nafarroako Euskararen Legeak "normalizazioa oztopatu" egiten duela salatu du Kontseiluak

2011-12-14T15:19:00.001+01:00

Vascuencearen legea 25 urtez from Euskararen Kontseilua on Vimeo.

Bihar 25 urte beteko dira Nafarroan Euskararen Legea martxan jarri zutela, eta Euskararen Gizarte Erakundeen Kontseiluak eta herrialdeko euskalgintzako zenbait ordezkarik gaur salatu dute lege horrek "euskararen normalizazioa oztopatu" baino ez duela egiten. "Administrazioaren zereginei dagokienez, 25 urte galdu dira".

Gehiago...

Berria.info

Euskaraz bizi nahi dut liburuaren aurkezpena egin du Kontseiluak Ahotsenean

2011-12-09T06:09:00.000+01:00

Euskaraz bizitzearen aldeko dinamikaren barnean hainbat arloko jendea egiten ari da ekarpena, horien artean, gai honen harira hogeita bat idazlek eta beste hainbat ilustratzailek sortutako testuekin eta marrazkiekin osatutako liburua aurkeztu zen pasa den egunean, Durangoko Ahotsenean.

Sustatu

Liburuak Musikatuz, haurrentzako ipuin musikatuak

2011-12-08T06:05:00.000+01:00

Oñatiko Ganbara Txiki Abesbatzak, LIBURUAK MUSIKATUZ egitasmoa kaleratu du. Proiektu honen asmoa 4-9 urte bitarteko haurrei zuzendutako ipuin musikatuen bilduma kaleratzea da. Bildumarekin hasteko, Eva Ugalde donostiarraren Eskolopendra eta Josu Elberdin pasaitarraren Jostailugilea aurkeztuko dituzte.

Sustatu

«Euskal sorkuntza ez dago inondik inora krisian»

2011-12-07T05:57:00.002+01:00

Durangoko Euskal Disko eta Liburu Azoka: Xabier Sagardiari, 'Entzun!' aldizkariko koordinatzaileari ,egindako elkarrizketa.

Zure ziztada behar dugu :)

2011-12-07T05:55:00.000+01:00

Gabon mezuak euskaraz zabaltzeko lehiaketa

2011-12-07T05:50:00.001+01:00

Gabon mezuak euskaraz zabaltzeko helburuarekin Azkue Fundazioak eta Bizkaia Irratiak lehiaketa eratu dute. Gabonetan elkarri zorionak eman edota urteberri on bat opatuz bidaltzen diren mezuak, euskaraz sortu eta zabaltzeko helburua dauka Txioka Sarean lehiaketak. Euskararen erabilera sustatzez, euskaraz zoriontzeko bitartekoak eskaintzea ere badu xedetzat lehiaketak.

Sustatu

46. Durangoko liburu eta disko azoka

2011-12-05T07:49:00.004+01:00

Azoka egunak: abenduaren 4tik 8ra, igandetik ostegunera, informazio gehiago hemen

“Euskararen jatorria” dokumentala ikusi eta gero

2011-12-02T09:00:00.002+01:00

"Nahiz eta atzo gauean erdi lotan ikusi, “Euskararen jatorria” dokumentala oso interesgarria eta aberatsa iruditu zitzaidan. Konklusiorik aipagarriena? Gorrotxategik esan zuen bezala, “txiripaz” salbatu zela euskara: erromatarren inperioaren bukaera ondoren mendi tartean bizi ziren orduko euskaldunek beraien hizkuntza zaharrarekin jarraitu zutelako." Gehiago

Zuzeu

Euskal izen-abizenen historia eta Gorrotxategi

2011-12-02T06:28:00.001+01:00

“Amaia, debekatuta zaude!” Mikel Gorrotxategi from elgoibarren.net on Vimeo.

Elgoibarkoizarra

Guk ere euskaraz

2011-11-30T06:06:00.001+01:00

Abenduaren 3an ospatuko den Euskararen Nazioarteko Egunari begira, nik ere euskaraz, guk ere euskaraz eta beste hamaika aldaera hartzen dituen lelo mutantearekin gazteen artean euskararen erabilpena sustatzeko kanpaina jarri du abian Donostiako Euskararen Udal Patronatuak.

Euskara Iruditan ekimena kanpaina honen baitan dago. Webgune honen bidez Euskara Iruditan izeneko irudi mosaiko erraldoia eraikitzen ari gara izen bereko atalean. Euskarak historian, norberaren bizipenean, hirian, gizartean… izan duen eta duen presentzia iruditan jasotzen ari gara.
Beraz, proiektu honetan parte hartu nahi izanez gero, sartu hemen eta zeure argazkia bidali.

Hemengo identitatea mantendu eta munduarekin hitz egin, nola?

2011-11-29T05:51:00.004+01:00

"Munduarekin hitz egiteko, hitz egiten ojakiteko, berdina da lehen urratsa. Lehenengo entzun egin behar da. Ondo hitz egiten duenari entzun behar zaio, adi entzun eta ikasi, norberak hitz egiten hasteko. Horrela irabazten da estiloa. Eta gero lantzen da estilo hori esperientziarekin, saio eta erroreekin, ekinarekin. Gero nibela dago. Ingelesez asko irakurri izanagatik ere, ez nintzen sekula gai izango zutabe txukun bat hizkuntza horretan apailatzeko. Lehen mailako kalitatez komunikatzeko, beste zerbait ere behar da. Estiloaz gain, hitzen jabe izan behar duzu. Ez dakit guztiz egiazkoak diren Txepetx-en teoriako ontzi komunikanteen analogia horiek, erabilera, ezagutza eta motibazioa direla hiru ontzi elkarrekin lotzen direnak, eta batetik bestera doala jarioa. Olioaren nibela motor batean batetik bestera doala iruditzen zait grafiko horretan, apur bat analogia faltsua ote den... "

Enpresa, sarea eta hizkuntzak hausnarketari egin dio ekarpena Luistxo Fernandezek. Tartean hizkuntzak menperatzeari buruzko gogoeta hori. Hona hemen lotura.

Euskararen eguna

2011-11-27T19:57:00.003+01:00

Euskararen eguna dela eta, Kultur Etxekoek ekitaldi batzuk antolatu dituzte. Informazio gehiago nahi izanez gero, klikatu hemen.

Sopela.net

Euskararen jatorria: enigma europar bat

2011-11-26T08:37:00.003+01:00

Untitled from H. Etxeberria on Vimeo.

Zergatik gustatzen zaigu esatea Europako hizkuntza zaharrenetakoa dela?
Zer dakigu euskaldunok gure hizkuntzaren jatorriari eta ahaideei buruz?
Zergatik da hizkuntza isolatua?
Zenbat hizkuntza daude euskararen egoera berdinean?…

Azaroaren 30 gauean, asteazkenarekin, ETB1ek ordubeteko dokumental bat eskainiko du, EUSKARAREN JATORRIA: ENIGMA EUROPAR BAT izenekoa. Euskaldunon iruditeria edo imaginarioan txertatutako galdera desberdin askori erantzun nahi die dokumental honek.

Zuzeu

Udazkenaren usaina

2011-11-17T07:20:00.001+01:00

Berria.info

Euskararen sendabideak aztergai

2011-11-16T05:15:00.002+01:00

Euskara gaixo hipotetiko bat balitz, aspalditik astenia edo indar ahularen sintoma antzemango geniokeen, agian zahartzaroagatik, hizkuntz zaharrenetarikoa delako edo bere erabilgarritasuna urrituz joan delako, bai barne arazoengatik, hiztunak gutxitu baitira bere erabileran, zein kanpoko eraginez, estatuek mendetan zehar egin duten genozidio linguistikoagatik. Azken arrazoi hau, hain zuzen, askotan aipatu izan da, besteak beste euskal gatazkaren eragileak azaltzerakoan.

Gehiago irakurri/ Sustatu

Euskal mitologia Uribe Kostan/ Fredi Paia

2011-11-16T05:11:00.001+01:00

Uribe Kostako mitologia

2011-11-07T17:16:00.000+01:00

Pasa den ostiraleko erromeria

2011-11-06T13:44:00.001+01:00

Primeran pasa genuen erromerian. Eskerrik asko danori!

Hartuko al dugu kafe bat herriko plazan euskararen erabileraz hausnartzeko?

2011-11-06T13:36:00.004+01:00

Duela 10 urte Elorrioko Udalak Geurien izeneko hitzarmena sortu zuen herriko merkataritza, ostalaritza, zerbitzu-enpresa eta elkarteetan euskararen presentzia eta erabilera sustatzeko asmoz. Hitzarmen horren barruan hainbat ekimen ezberdin antolatu dira azken urteetan: merkatari eta ostalarien hizkuntza-gaitasuna hobetzeko ikastaroak edo euskarri lagungarriak, hizkuntza-paisaian eragiteko kanpainak, hizkuntza-jarrerak lantzeko tailerrak, itzulpegintza-zerbitzua, eta abar. 2008tik aurrera, udalak Elhuyar Aholkularitzarekin lankidetzan bideratu ditu lan horiek.
Gehiago irakurri

Nerabeen hizkuntza-erabilera eta Interneteko sare sozialak: aukera berriak?

2011-11-04T16:10:00.000+01:00

Soziolinguistika Klusterrak eta Kultur Kabia- Topaguneak elkarlanean egindako proiektuaren emaitzak kaleratu dituzte.

Erromeria, azaroaren 4an

2011-10-31T20:09:00.000+01:00

erromeria 20111104

Zientzia.net webguneak itxura berritu du, eta atal berriak eskaintzen ditu

2011-10-27T20:05:00.000+02:00

Zientzia.net webgunea goitik behera berrituta dator. Itxura eta funtzionalitate berriak ditu, eta baita atal berriak ere: zientzia-telebista, zientzia-irratia, elkarrizketak eta argazki-galeriak. Zientziaren eta teknologiaren bilgunea izango da Zientzia.net, eta ia 15.000 edukitik gora aurkituko ditu erabiltzaileak artikulu-, audio- eta bideo-formatuetan eta gaika banatuta: ingurumena, osasuna, teknologia, biologia, bioteknologia, astronomia, fisika...

Sustatu

Gpuntua Telebista abian da sarean

2011-10-22T07:59:00.001+02:00

Gpuntua Telebista atala sortu berri du 2011ko Gipuzkoako Bertsolari Txapelketako antolakuntzak, eta txapelketaren harira sorturiko hainbat ikus-entzunezko eduki landuko ditu www.gpuntua.com webgunean. Sareko telebista formatuan jaio da Gpuntua TB berria, eta txapelketa bukatu bitarte Gipuzkoako bertsogintzaren eta txapelketaren inguruko ikus-entzunezko hainbat eskegiko dira astez aste.

G-Historia: 1967 arteko Gipuzkoako Bertsolari Txapelketak from Gpuntua on Vimeo.

Sustatu

Lurdes Auzmendi: "Elebideri esker, Euskadiko herritarrek gero eta hobeto ezagutzen dituzte beren hizkuntza eskubideak"

2011-10-18T16:00:00.002+02:00

Eusko Jaurlaritzaren Kultura Saileko Hizkuntza Politikarako Sailburuordetzak Elebiden, hizkuntza eskubideak bermatzeko zerbitzuan, 2010. urtean jasotako intzidentzien berri eman du, eta kanpaina berria aurkeztu du gaur goizean Eusko Jaurlaritzaren Lakuako (Vitoria-Gasteiz) egoitzan egin den prentsaurrekoan. Bertan, zera esan du Lurdes Auzmendi Hizkuntza Politikarako sailburuordeak: "Elebideri esker, Euskadiko herritarrek gero eta hobeto ezagutzen dituzte beren hizkuntza eskubideak".
Gehiago irakurri
Sustatu

Gure hurrengo zita

2011-10-16T19:47:00.001+02:00

erromeria 20111104

Portuz portu

2011-10-11T05:33:00.006+02:00

Domeka goizean Uribe Kostako portuz portu ibili ginen. Oso azalpen argiak eta aberasgarriak eman zizkigun Josu Larrañagak; hona laburpentxoa. Plazera izan zen, eskerrik asko Josu!
Hurrengo Berbatxangoa azaroaren 12an; informazio gehiago, aurrerago emango dizuegu.

Zer iruditzen zaizu saltoki handietan euskarazko zerbitzua eskaintzera behartzen zuen legea bertan behera uztea?

2011-10-07T16:42:00.001+02:00

Bide motza bezain hutsala izan du 2008an Eusko Jaurlaritzak onartutako lege dekretuak. Honen bidez erosleek zerbitzua euskaraz jasotzeko eskubidea egikarituko litzateke, bai behintzat saltoki handietan. Lau urterako epea jarri zuten dendak legera moldatzeko, baina ez da legea aplikatu ez eta zigorrik ezarri ere.

2011 urtean, ordea, PSEk, PPk eta UPD-k lege hori bertan behera uzteko bidea ireki dute. Hala, laster ezabatuko dute euskaldunek saltokietan hartu emana euskaraz jasotzeko eskubidea. PSEren arabera, "administrazioak ez ditu hartu behar enpresariei dagozkien erabakiak".

Zuzeu

Berbatxangoa Uribekostako portuak eta arrantza

2011-10-07T03:09:00.000+02:00

Berbatxangoa_urriak9

Sarri, Sarri, Sarri....

2011-10-03T21:16:00.002+02:00

Gaur goizean jakinarazi da Literaturako Euskadi Saria Joseba Sarrionandiari eman diotela, Moroak gara behelaino artean? liburuagatik. Eusko Jaurlaritzak, saria ematen duenak, hala ere, ez dio sariarekin batera doazen 18.000 euroak egileari zuzenduko, ETAkoa delakoan.
Gehiago irakurri

Kanta entzuteko klikatu hemen!

Sustatu

You Tube euskaraz dago jada

2011-09-30T22:55:00.004+02:00

Googleren bideoen zerbitzua, YouTube, euskaraz dago. Lehen begiratuan euskaraz ikusten ez baduzu, aukera duzu interfazean, behean, aukera zehazteko. Baina, onena, nabigatzailea euskaraz konfiguratzea horrela euskaraz agertzen baita.

Sustatu

Berbatxangoa Uribekostako portuak eta arrantza

2011-09-29T15:08:00.004+02:00

Urriaren 9an hurrengo Berbatxangoa egingo dugu, gure eskualdeko portuak, arrantza eta lehengo bizimodua hobeto ezagutzeko. Ikasturte honetan Aitxukook hasi gara Berbatxangoak antolatzen Egizuko kideekin batera. Dakizuenez, irteera hauetan edozein euskaldunek har dezake parte.

Gure helburuak dira Sopela eta Getxoko euskaldunok elkar ezagutzea, berbalagunon arteko zubiak eraikitzea, eta eskualdean dugun ondareaz jabetzea (naturala, historikoa, arkitektonikoa…) beti ere euskararen bidetik.

Animo eta parte hartu!

Gehiago irakurri

Kurtzio

2011-09-28T19:55:00.004+02:00

Etxera heltzen ez bazaizue hementxe daukazue Kurtzio Kultur Etxearen agenda (zinea euskaraz badago!)

Euskal liburutegi digitala

2011-09-28T19:51:00.002+02:00

Liburuklik

Descontu.com

2011-09-28T19:43:00.003+02:00

Video streaming by Ustream

'Deskontu.com'-en sortzailearen hitzaldia zuzenean BERRIA.INFOn

Hiztegi batuaren bertsioa kontsultagai

2011-09-22T20:36:00.003+02:00

Hiztegi Batuaren azken bertsioa eskura dago Euskaltzaindiaren webgunean, orain arte Akademiak arautu dituen hitz guztiak jasotzen dituena.

Soinumapa.net

2011-09-22T20:15:00.001+02:00

Aurrean duzun hau SOINU MAPA Euskal Herriko Soinu Mapa egitasmo irekia da. “Fonografia” edo gure inguruko hotsak grabatzeko artea oinarritzat hartuz, landa grabaketak erakutsi, kontsultatu eta elkartrukatzeko balio duen webgunea da hau. Bertan, Euskal herrian zehar egindako hainbat grabaketa entzun ditzakezu: hirietako zaratak, mendialdeko giroak, animaliak, ospakizunak, lekuak, gertakizunak…

Belarriak ondo zabaldu eta "Euskal herria entzun"!

Udako opor osteko berbatxangoa

2011-09-04T05:56:00.001+02:00

Berbatxangoa

SURF IKASTAROAK ANTOLATU DITUGU

2011-06-15T18:06:00.002+02:00

Datak
-Ekainaren 20tik 24ra (arratsaldez)
-Ekainaren 27tik Uztailaren 1era (goizez eta arratsaldez)
-Uztaila eta Abuztuaren aste guztietan (astelehenetik bariku arte) (goizez eta arratsaldez)
...Ikastaroa egiteko gutxieneko adina 10 urtekoa da. Prezioa: 50 €
Izena emateko eta informazio gehiago eskuratzeko telefono honetara deitu: 675591266
(Aitxu! taldearen ikastaroa egin nahi duzula esan behar duzu)
Euskaraz egitea ezin bestekoa izango da

Udaletxe plazan DANTZAN!

2011-03-07T18:34:00.004+01:00

Bagatoz berriz Sopelako plazara erromeria alai batekin.
Udaletxe plazan izango da datorren barikuan, martxoaren 11an, arratsaldeko 7retan.

Beraz dantza eta euskara gogokoak badituzu.
Erdu gurekin!

Erromanikoa Uribekostan

2011-03-04T21:55:00.005+01:00

Martxoaren 27an Uribe Kostan zehar Erromanikoa ezagutzeko berbatxango bat prestatu dogu. 50 pertsonentzat autobus bat izango dogu.

Goiza ondo bukatzeko Bakio aldean bazkaria izango dogu.
Autobusaren prezioa dohainekoa izango da, eta bazkariaren prezioa 15 €

Gurekin Armando Llamosas arkeologoa izango dogu eta haren azalpenak entzunez Uribe Kostako hainbat erromaniko aztarnak ikusiko ditugu

Beraz animo eta parte hartu!

Estatistikek diote...

2011-03-02T17:24:00.003+01:00

Gazte gehienek euskaraz dakitela diote: % 71k ongi edo nahiko ongi ulertzen dutela baieztatzen dute; % 69k euskaraz idatzitako testuak ongi edo nahiko ongi irakurtzeko gai direla esaten dute; % 63k euskaraz ondo edo nahiko ondo idatz dezaketela; eta, azkenik, % 59ren hitzetan, euskaraz ongi edo nahiko ongi mintzatzen dira. Edonola ere, gazteen % 62k hizkuntza-gaitasun handiagoa dute (erraztasun handiagoz hitz egiten dute) gaztelaniaz euskaraz baino. Gainera, gazteen % 38k diote euskara ikasi dutela eskolaren esparrutik kanpo...

Gazteaukera

Euskaraz bizitzeko haututik eragiletzan sakontzea erabaki du Euskaldunon Elkarteen Mugimenduak

2011-02-28T15:13:00.002+01:00

Topaguneak eta Euskaldunon Elkarteen Mugimendua osatzen duten 96 elkarteek, euskaraz bizitzeko hautua egin duten euskaldunen bilgune antolatu modura eragiten jarraitzeko konpromisoa berretsi zuten herenegun (2011-2-26), Bilboko Alhondegian egin zuten XXI. mendeko Euskaldunon Elkarteen Mugimenduaren Kongresuan.

Gehiago irakurri nahi...

Erabili.com

Ama-hizkuntzaren Nazioarteko Eguna

2011-02-21T18:23:00.002+01:00

Ama-hizkuntzaren Nazioarteko Eguna da gaur; hala izendatu zuen Unescok 1999 urtean. Guk badugu zer aldarrikatu. Eta badugu ere zer ospatu.

Zuzeu

Euskara Nafarroa osoan ofizial izateko proposamena atzera bota dute

2011-02-20T07:42:00.002+01:00

Orain dela 25 urte onartu zuten Nafarroako Euskararen Legeak gaur eguneko errealitatea ez duela islatzen eta lege berri bat garatzea eskatzen zuten NaBaitik, Nafarroako euskaldunen kopurua hazi egin delako azken mende laurdean, Nafarroa osoan daudelako euskaldunak, eta egoera berriari erantzun beharko liokelako legediak. Lege berri horretan, gaur eguneko zonifikazioa baztertu eta euskara Nafarroa osoan hizkuntza ofiziala izatea, gaztelaniarekin batera, eskatzen zuen NaBaik.

Gehiago...

Erabili.com

Apirilaren 2an izango da Sopelako Esaera Zaharren Txapelketa

2011-02-19T08:45:00.005+01:00

Sopelako Esaera Zaharren txapelketaren 18. edizioa 2011ko apirilaren 2an (larunbata) burutuko da, eta Bizkaiko txapelduna den Arkaitz Estiballes bertsolariak hartuko du parte, Alaia Martinekin batera. Eurek botako dituzte bertsoak arratsalde partean taldeek horien baitan ezkutatzen diren esaera zaharrak zein diren asma dezaten.

Ohi bezala, herrian zehar jokatuko dira txapelketako lehen kanporaketak goizeko 11etatik aurrera, musikak eta bertsoek lagunduta. Finalerdia eta finala, berriz, Ander Deuna Ikastolan ospatuko dira.

Sariak ez dira nolanahikoak izango, talde irabazleak lau lagunentzako asteburuko egonaldia lortuko baitu landetxe batean. Bigarren, hirugarren eta laugarren geratzen diren taldeek, berriz, lau kiderentzako afari bana eskuratuko dute.

Izena emateko epea martxoaren 28ra arte egongo da zabalik. Izena emateko 618 574 445 / 695 774 015 telefono zenbakietara edo jose-p@aek.org / aitor-f@aek.org posta helbideetara jo behar dute parte hartu nahi duten taldeek.

Informazio gehiago...

Lanerako idazkiak

2011-02-17T14:10:00.003+01:00

Donostiako Euskararen Udal Patronatuak Gipuzkoako Merkatarien Elkartea, Gipuzkoako Ostalarien Elkartea, DendaSS, Zaharrean, Auzoak eta Centro-Erdi elkarteekin elkarlanean kaleratu du Lanerako Idazkiak argitalpena eta Donostiako merkatarien artean banatu du.

Honako hau, eskuliburu horren Interneteko bertsioa da.

www.euskaraz.org/idazkiak

2011-02-06T12:05:00.003+01:00

Artikulu gogorra kaleratu zuen pasa den egunean El Correo egunkariak. Aurelio Artetak gogor erasotzen dio euskarari eta, bereziki, euskararen inguruko inkestei eta euskaldunon gezurretako munduari.

Gehiago...

Via Sustatu

Euskarazko hedabideak, beste jauzi baterako ordua

2011-02-02T07:00:00.004+01:00

"Euskarazko hedabideok ohituta gaude zailtasunean jarduten, gure hizkuntzaren izaera ez normalizatuak horretara bultzatzen gaitu, eta agian horrek ere laguntzen digu bizi dugun krisiari aurre egiten. Baina egoera gorria da eta hainbatetan larria.

Hedabide ugari ari dira ixten munduan, hedabide historikoak, ospetsuak, gureen aldean handi eta indartsuak… Eta guk ere enbataren erdian dihardugu. Publizitatea behera, salmentak ere bai, diru-laguntzak urritzeko joeran… Noiz arte eutsi ahal izango diogu?"

Honela dio argitaratu berri duten artikuluak, osorik irakurri nahi baduzu, klikatu hemen.

Sasi guztien gainetik...euskaldun eta burujabe

2011-01-31T19:47:00.002+01:00

Euskaraz bizitzeko ezintasuna etsigarria da aunitzendako eta erronka bat beste batzuendako. Nola nahi ere Euskal Herrian euskaraz bizitzea ezinezkoa da. Zer bide egin beharko genuke euskaraz biziko den herri horretara heltzeko? Euskal Herrian Euskarazek manifestua eta manifestazioa ditu epe laburreko tresna.

Gehiago irakurri

Zuzeu

Argia Sariak

2011-01-29T08:49:00.002+01:00

Banatu dituzte euskarazko komunikazioan nabarmendu diren pertsona, talde, enpresa, profesional edo produktuei eskainitako ARGIA Sariak. Hauexek izan dira aurtengo sarituak:

Prentsa idatzia: Gaztezulo.
Irratia: Gaztea-ko Ekaitz perfektua programa.
Telebista: ETB3ko Orain programa.
Publizitatea: Donostiako Udalaren Nik ere euskaraz kanpaina.
Internet: Ahotsak.com.
- Sarien argudioak (PDF)
- Xabier Letona ARGIAko zuzendariaren hitzaldia (PDF)

Urtero egin ohi duten bezala, ARGIA Sariekin bat eginez, Euskal Kulturaren Urtekaria kaleratu dute. Paperezko edizioa salgai dago jada.

Argia.com

248 liburu Internet sarean

2011-01-29T08:36:00.002+01:00

Irakurgailu elektronikoetara deskargetako 248 e-book jarri ditue armiarma.com atariko Liburu Elektronikoa webgunean. Hauxe da helbidea: http://armiarma.com/liburu-e/. Webgunea eroso antolatuta dago, liburuak klik bakarraz deskargetako aukereagaz.

Gehiago irakurri

Bizkaie.biz

Euskara: erabilera, jarrerak, politikak

2011-01-23T09:10:00.001+01:00

Hona Eusko Jaurlaritzak zabaldu duen Euskara: erabilera, jarrerak, politikak (pdf) ikerketa. Norberak atera ditzala konklusioak!

EJ

Korrika 17ren aldeko festa hasi da

2011-01-23T09:08:00.002+01:00

Korrikak aurten 17.edizioa izango du. Apirilaren 7an Trebiñun hasi eta 17an Donostian amaituko da. Hamar egunez Euskal Herriko txoko guztietatik igaroko da euskararen aldeko festa jendetsu hau.

(Sustatu)

Lanean euskaraz erosoago egiteko aholkuak

2011-01-18T13:56:00.003+01:00

Ahoz zein idatziz, lanean euskaraz erosoago egiteko aholkuak dira Lan ta lan webguneak eskaini dizkigunak : telefonoa hartzerakoan, aurrez aurreko ahozko elkarrizketetan, on line dauden baliabideak, hiztegiak eta mezu elektronikoak idazterakoan.

(Gehiago irakurri)

Via Karrajua

Telefono konpainiak eta euskara

2011-01-15T05:34:00.003+01:00

Lander Iruretagoiena oso informazio baliagarria eman dio erabili.com webguneari telefono konpainiek euskaldunoi eskeintzen dizkiguten aukerei buruz.

Izan ere, konpainia guztiek ez dute berdin jokatzen euskararekin; adibidez, Euskaltelek defektuz ele biz bidaltzen du faktura, batzuek euskaraz jasotzeko aukera ematen dute, eta beste batzuek ezta hori ere.

(gehiago irakurri)

ebizi: euskarazko webguneen rankina

2011-01-11T18:13:00.004+01:00

Euskaraz Interneten zer ikusten dugun hobeto ezagutzeko asmoz ebizi proiektua sortu da. Bertan, nabigatzaileek euskaraz gehien ikusten diren webguneak zein diren jakin dezakete.

Orain arte ez da gure hizkuntzan dauden webguneen rankinik egon. Cybereuskadi izan zen horrelako rankin bat egin zuen lehena baina hor gaztelera hutsezkoak ere agertzen dira eta ebizin ez.

Rankina egiteko ez da irizpide bakar bat erabili, hiru baizik: Alexa, Page-Rank eta nabigatzaileen bozketak. Alexan gaur egun Interneteko webguneen rankin nagusiaren informazioa hartu dugu. Horri Googlek bilaketak ordenatzeko daukan beste irizpide bat gehitu zaio: Page-Rank.

Azkenik, Web 2.0 garai honetan, nola ez, jendearen parte hartzea ere bideratu da, eta bozketen bidez euren iritzia jaso da. Indarrean egon den epe honetan, guztira, 1.200 bozketa inguru jaso dira.(Gehiago irakurri)

Via Sustatu

Zenbat dakizu Bilboz?

2011-01-09T08:08:00.003+01:00

Duela urte batzuk Bilboko Udaleko Euskara Sailak eta ARGIA astekariak elkarlanean kaleratu zuten Bilboz Badakit mahai jolasa, hiria hobeto ezagutzeaz gain, aisialdian euskararen erabilpena suspertzeko asmoz. Orain, jolas hori oinarri hartuta, CD-Rom formatuko jolas interaktiboa eta Interneterako bertsioa sortu ditu Euskara Sailak.

Jolasak Bilbori buruzko 1.500 galdera-erantzun ditu, sei gai edo ataletan banatuta: artea, historia, kirola, natura, jaiak eta kultura. Jokalariak gai edo atal bakoitzeko galdera bat gutxienez ondo erantzun beharko du, ahal den denborarik laburrenean.Bilboz Badakit jolasaren web bertsioa webgune honetan bertan duzue.

(Bilbaoeuskaraz)

Norbaitek erdaraz egiten badit, euskaraz erantzun diezaioket? Edukazio txarrekoa al da?

2011-01-05T06:51:00.003+01:00

..."Ez da edukazio txarrekoa, guztiz kontrakoa. Edukazioz hizkuntza aldatu behar hau geure hizkuntzarekin eta kultur nortasunarekin ditugun konplexuak eta autoestimu gabeziak justifikatzeko aurreiritzien osagai bat besterik ez da. Ohiturak aldatzeko asimilazio edo akulturazio prozesu baten bidez botereek inposatutako jokaera kodeetan du jatorria kortesiaz hizkuntza aldatzeko topikoak..." (Emun + Plataforma per la llengua)

(Gehiago irakurri)

Via Lantalan

2010ean argitaratu dituzten liburuen zerrenda

2011-01-04T09:05:00.002+01:00

111 akademiako webgunean 2010ean euskaraz argitara eman diren liburu guztiak agertzen dira ,eta, baita irakurleek eurek emandako gomendioak ere.

Hitzapasa euskaraz

2011-01-02T06:06:00.002+01:00

Hementxe da euskarazko Pasapalabra. Maite Goñi, Ordiziako Jakintza Ikastolako eta EuskalJakintza blogaren sustatzaileak, Hitz-pasa sareratu digu: alfabetoko hizki guztiekin errosko bat osatzen dute, eta guk hizki bakoitzarekin hasten den hitza asmatu behar dugu. Badago, beraz, teknologia berriekin euskara(z) ikastea eta gozatzea. Egin proba! Seguru ondo pasako duzula! (euskaljakintza.com)

Egin klik hemen!

Urte berri, asmo berri

2010-12-26T14:43:00.003+01:00

Sopelako hondartza

Urte berri, asmo berri.

Urte berri eguna, ez dala egun txarra, kortara jausi dala gure sapai zarra; daukanak eztaukanari, nik eztaukat eta neri, kantaretan bat, kantaretan bi, ekazu agiñaldo Jangoikoagatik; agiñaldo, agiñaldo, bota gaztañak ta ixilduko.

Urte berri egune(a)n arropa berria janzten dunak inpernuko demonioari begia ateratzen.

Urte berri zerekin, hilabeteko lehen egunak harekin.

Urte berri, urte zahar, Manuel Tonto prakazahar.

Urte berri, urte zahar, Martzelino praka zahar. Urte zahar, urte berri, Martzelino praka berri.

Urte zar, galtza zar; urte berri, galtza berri. (Atsotitzak- Gotzon Garate)

Urte berri on!

Egin doako oparia hurkoei eta euskarari: konfiguratu senideen nabigatzailea euskaraz

2010-12-25T09:55:00.001+01:00

Jaietan senideren baten etxera baldin bazoaz, eta bere ordenagailua erabiltzen baduzu, aukera aprobetxa dezakezu bere nabigatzailea euskaraz konfiguratzeko. Zure senidea euskalduna baldin bada, mesede bat egingo diozu doan: hortik aurrera euskaraz nabigatuko du, eta horrela gehiago izango gara euskaraz nabigatzen dugunak. Minutu bateko lana da, instrukzio erraz batzuk jarraituta.

(via Sustatu)

Filmak euskaraz

2010-12-22T21:20:00.000+01:00

Gaurtik aurrera, kulturklik eta eitb.com webguneek 30 film euskaraz eta on line ikusteko aukera eskainiko dute, baina deskargatzeko aukerarik gabe. Zinema euskaraz eta doan ikusteko aukera berritzaile honetarako, film horien eskubideen inguruko akordioa ere mamitu da. Printzipioz, film bakoitza 2.000 erabiltzailek ikusi ahal izango dute, hau da, ordenagailu bidez zinema ikusteko 60.000 gonbidapen banatuko dira. Hementxe Zerrenda osoa

(Kulturklik)

Eguberri on!

2010-12-22T16:50:00.000+01:00

Egizu Klik

Karaokea

2010-12-20T14:57:00.000+01:00

Bihar karaokea egingo du Azkue Fundazioak Bilbon eta Donostian, San Tomas azoketan Guk Euskaraz kantu ezagunaren bertsio batekin. Bideoak grabatu eta xaramela.net-en jarriko dituzte parte hartzen dutenentzat.

Abenduaren 21a, San Tomas eguna

2010-12-20T07:39:00.000+01:00

EITBko Euskara Zerbitzuak gogorarazten digu santuari 'San Tomas' esaten diogula euskaraz. Egun horretako nekazari-azoken berri eman behar duzuenok har ezazue gogoan 'Santo Tomas' esatea okerra dela.

HIKEAn behar bezala jasota dago informazio hori guztia. Horrez gaiera, 'San Tomas'en fitxan egunari dagozkion esaerak eta beste jakingarri batzuk bildu dira.

eitb

Erreala euskararekin

2010-12-10T08:38:00.001+01:00

Laino guztien gainetik, Euskaltube bizirik!

2010-12-01T10:31:00.001+01:00

Euskaltube.com webgunea, bideoak partekatzeko euskarazko lehenengo plataforma, hiru urte betzekoa zen joan den irailean. 2007ko irailean sortu zenetik, ia 3.000 erabiltzailek 6.000 bideo inguru sareratu dituzte bertan, milaka bisitari izan ditu eta milioika orrialde zerbitzatu ditu.

Baina 2010eko abuztuan, arazo ekonomikoak bitarteko, bertan behera geratu zen webgunea. Webgune hau ere beharrezkoa dela sinistuta, finantzaketa kanpaina abiatu dute Euskaltube bizirik lelopean. (Sustatu)

Durangoko disko eta liburu azoka

2010-11-28T10:34:00.000+01:00

Gero eta gutxiago falta da Durangoko azokaren ateak berriro zabalik ikusteko. Kartela badago prest; Fede Bosch kataluniarra da 45. Durangoko Euskal Liburu eta Disko Azoka iragarriko duen kartelaren egilea. 49 lanen artean aukeratu du epaimahaiak bere lana, “azokaren bi elementu nagusiak uztartu dituelako eta bisualki indarra duen kartela” delako. Diseinu grafikoa ikasketak egin eta freelance modura lanean ibili eta gero, Bartzelonako publizitate enpresa baten egiten du lan gaur egun.
Durangoko Azokako programazioaz gehiagorik jakin nahi baduzue helbide honetara jo::www.durangokoazoka.com

Euskararen Nazioarteko Eguna

2010-11-25T06:52:00.000+01:00

Euskararen Nazioarteko Eguna (ENE) Eusko Ikaskuntzaren baitan 1949an sorturiko ekimena da. Eta Elkarteak, XXI. mendean, gizarteko aldaketa eta erronka berrietara egokituz, gogo biziz eusten dio euskal hizkuntzari bere lan arlo guztietan.

Aurten, Kukuxumuxuk Euskararen Egunerako diseinatutako kamiseta zozketatuko dute; horretarako, zure ustez, zein den euskarak duen hitz politena kontaiezu, arrazoiak emanez, noski. Parte hartzeko azken eguna azaroaren 29a da.

Bernardo Atxagak, Laura Mintegik, Mikel Urmenetak, Benito Lertxundik...dagoeneko aukeratu dute gehien gustatzen zaien hitza.

Sartu , irakurri eta parte hartu!

(Karrajua)

Guk ere euskaraz

2010-11-23T22:01:00.000+01:00

Abenduaren 3an ospatuko den Euskararen Nazioarteko Egunari begira, urriaren bukaeratik abenduaren 10era bitartean, bereziki gazteei zuzendutako programazioa atondu dute elkarlanean Donostiako Euskararen Udal Patronatuak eta erakunde eta hiriko eragile ugarik.

Besteak beste, http://www.nikereeuskaraz.net/webgunearen bidez kanpainarekin atxikimendua adierazten duten pertsonen argazkiekin osaturiko mosaiko bat egingo dute: Euskarak milaka aurpegi, milaka ahots. Norberak bere argazkia webgunean kargatu ahal izango du modu errazean eta automatikoki argitaratuko da webguneko mosaikoan, aurretik bat egin duten gainontzeko pertsonen argazkiekin batera. Norbakanakoaren konpromisoa bilatzen du ekitaldi honek, euskara erabiltzeko konpromisoa alegia.

Atxikitu zu ere!

Zortzi orduz kantetan lotu barik!

2010-11-22T10:43:00.000+01:00

Aitxukideok goizaldera erabat nekatuta iritsi baginen uste dugu esfortzua azkenean merezi izan zuela. Eta ondo merezi gainera! Berriz ere ekitaldi honen inguruan Sopelako era askotako jende ezberdina ikusi genuelako. Eta emaitzak ikusten direnean lana ere gustorago egiten da!

Ekitaldiaren lehenengo saioa Anjek zabaldu zuen bete-beterik zegoen Laiak tabernan. Zer esanik ez, kontzertu bikain bat giro ederrean.
Kantaldiaren filosofia ere ederki laburbiltzen du Anjek kantatu zuen azken abestiaren leloan: AIPA NAZAZU GUTXIAGO, MINTZA NAZAZU GEHIAGO.

Azkenean hainbat lagunen zorionak jaso zituen Anjek. Goian ikusten dozuen moduan bere izenkidea den lagun batena ere: Anjel Iribarrena.

Gero Taberna Ibiltarikoak heldu ziran, eta Anjerekin eta herriko talde ezberdinekin jaialdia jarraitu zuen goizaldeko orduetararte Urko kiroldegian.

Den dena artikulu bakar batean ostiralekoa laburbiltzea erraza ez denez, blogaren albo batean egun horretan grabatu ziran bideo batzuk eskegiko ditugu.

Eta datorren jaialdirarte!

Jaialdiko bideo ezberdin batzuk ikusteko hona hemen zenbait lotura:

Kantaldia Sopelan

2010-11-06T19:39:00.000+01:00

Azaroaren 19rako, aitxu! Sopelako euskara taldea osatzen dugun euskarazaleok, IV. kantaldia antolatu dugu. Aurten ere Taberna ibiltarikoak gurekin izango dira. Gainera, eztarria berotzeko eta belarria afinatzeko, Laiak tabernan Anje Duhalde izango dogu; jarraian, 21:00ak aldera, Urkoko polikiroldegian bildu eta afalduko dugu. Afalostean, denok abestuko dugu. Baduzue plan hobeagorik ostiralerako?

Sarean oso errepertorio ona duen euskaraokea topatu dugu; beraz, kantaldia baino lehenago gorputza astindu nahi izanez gero, praktikatu.

Afarirako tiketak Sopelako turismo bulegoan, Larrabasterrako Yako dendan, Alemaniar tabernan zein Laiak tabernan daude salgai, umeentzako13 eurotan eta helduentzako 18 eurotan, menua hauxe delarik: paella, txahalkia, tarta, kafea eta kopa.

Jarraian Anje Duhalderi buruzko informazioa biltzen duten helbideak:
Wikipedia , Badok, Musikazblai

Animatu eta parte hartu!

Oharra: Iaz bezala kantutegia banatuko dugu; dena dela, hementxe daukazue deskargatzeko formatoko alea:

Kantaldirako abestiak

Eta amaitzeko Anje Duhalderen Oi kanta berri, Aitxukook abestuko duguna:

Gabiren egoeraz kezkaturik

2010-09-29T18:23:00.000+02:00

Gabi Basañez euskaltzalearen egoeraz kezkaturik gaude Sopelako euskaltzaleak.
Sopela urte askotan bizilekua izan duelako, lagun handia dugulako eta euskaltzale jatorra delako. Bai Uribe mailan, bai Euskal Herri mailan hizkuntza eskubideen aldeko lan aitzindaria egin du Gabik urte askotan. Gogoratu behar da adibidez 1994an hasi zen auzia. Sopelan antolatu ziren zezenketa batzuk saihesteko protesta batean Ertzaintzarekin izandako liskarren ondorioz, zortzi lagun auzipetu zituzten. Fiskalak seina urteko kartzela zigorra eskatu zuen, baina akusatuetako zazpik zigorra sei hiletara murrizten zuen akordioa lortu zuten. Gabi Basañez Euskal Herrian Euskaraz-eko kideak, ordea, ez zuen akordioa onartu, epaiketa euskaraz egin nahi zuelako. Ordudanik Kafkak literatura alorrerako asmatu zuen prozesuaren parekoa bizi izan du urte luzeetan Gabik.
Orain berriz, akusazio lanbrotsuetan oinarrituta, atxilotu eta Madrilera eroan dute inkomunikatuta. Momentu latz hauetan ere, gure elkartasuna adierazi nahi dizugu Gabi. Zuri eta etxeko guztiei!
Aupa Gabi!

Lizarre kalean "diskriminazio positiboa"

2010-06-10T09:51:00.000+02:00

Atzo bertan ataratako argazki bi Lizarre kalean. Udala lanetan hasi behar dela eta bertan aparkatzea debekatuz seinale bi jarri ditu. Erderazkoan "10 de junio"tik aurrera ezin dela aparkatu dio. Euskarazkoan berriz, irailaren 10etik aurrera debekatzen du aparkatzea.

Hauek bai euskaldunok ditugun abantailak!