Itzultzaile automatiko berria

Gaztelaniatik euskarara automatikoki itzultzeko onlineko tresna berri bat aurkeztu dute Hizkuntza Politikako arduradunek.Testu errazak itzultzeko balio du, eta gehienez 1.024 karakterekoa izan behar du testuak. Hala ere, halako tresna guztiekin bezala, itzultzaile automatikotik pasatu ondoren, norbaitek begiratu beharko du itzulpena.

Hona hemen esteka

Ejk EAEko V.inkesta soziolinguistikoaren emaitza nagusiak aurkeztu ditu

Beste ondorioen artean, Hizkuntza Politikarako sailburuorde Lurdes Auzmendik aditzera eman duenez, “16 urte edo gehiagoko biztanleen %32 elebiduna da (2006an baino 2 puntu gehiago), %17,2 elebidun hartzailea eta %50,8 erdaldun elebakarra. EAEko elebidunak etengabe ari dira gora egiten. Gaur egun, portzentaje horien arabera, 16 urtetik gorako 600.050 elebidun daude EAEn, 1991n baino 181.000 gehiago”.

Sustatu

Musutruk

Ezagutzen duzue musu-truk bloga? Bere helburua gauzen berrerabilpena bultzatzea da. Tresna interesgarria da, doakoa eta interaktiboa. Anima zaitez eta bisita ezazu!
http://eguzkimuxutruk.blogspot.com/

Salda badago

Rock musikak Euskal Herrian izan zuen jaiotza kontatzen du “Salda Badago” dokumentalak. 2001 urtekoa da, baina puntako artistei egindako elkarrizketek eta 80ko hamarkadako irudiek dokumentu historiko eguneratua bilakatzen dute dokumentala.

Gozatu

ZUZEU.COM

2012ko kantaldia, ekainaren 15ean

Aurten ere Kantaldia antolatuko dugu herrian, ekainaren 15ean. Ez zen batere erreza data egokia zehaztea, Athleticek zaila jarri digu lana!
Beraz, hartu agenda eta erretserbatu eguna :)

Zer dago lurpean?

Galdera horri erantzuteko asmoarekin, herritarrak lezeetara hurbildu eta lurpeko mundua ezagutzeko Mugarik Gabeko Lurpea proiektua garatu dute Euskal Herriko 8 kobazulok. Datorren igandean, martxoaren 4an III. Lezeen Eguna ospatuko dute. Ohiko bisitez gain, hainbat ekitaldi antolatu dituzte Bizkai, Gipuzkoa, Nafarroa eta Lapurdiko 8 lezeetan.

Zortzi kobek osatzen dute Lurpea egitasmoa: Bizkaiko Koben Koba (Karrantza) eta Pozalagua (Karrantza); Gipuzkoako Arrikrutz (Oñati) eta Ekainberri (Zestoa); Nafarroako Sorginen Lezea (Zugarramurdi), Ikaburua (Urdazubi) eta Mendukilo (Larraun); eta Lapurdiko Sarakoa.

Sarrera erdi prezioan lortuko du leze hauetara igandean hurbiltzen den edozeinek. Eta gainera, bertze hainbat ekintza osagarri.

Okindegian ere euskaraz

Okindegian euskaraz

Zamorako apaiz-kartzela, Kurtzion

Gaztelania-Euskara itzultzaile automatikoa aurkeztuko dute Bilboko Alhondigan

Denon eskura egongo den “testu labur orokorrak itzultzeko tresna lagungarria” aurkeztuko du gaur, ostirala, Jaurlaritzak, Bilboko Alhondigan 20:00etan. Interneten izango da tresna eskuragarri, baina momentuz bertsio zabala Jaurlaritzaren intranetean besterik ezingo da erabili. Izan ere, Gaztelania-Euskara itzultzaile automatikoak oraindik ere hobekuntzak behar dituela jakinarazi dute. Etorkizunean erabilgarriagoa izateko Jaurlaritzan itzulpen automatikoak eskuz hobetzen joango dira, epe ertainean tresna askoz ere zuzenagoa izan dadin.
Zuzeu

itzultzaile automatikoa

Hizkuntz eskubideak bermatzeko mekanismoen beharraz ohartarazi du Behatokiak

Hizkuntz Eskubideen Behatokiak hamar urteko lana aurkeztu dio Iñigo Lamarca EAEko Arartekoari gaur Donostian, eta Garbiñe Petriati Behatokiko zuzendariak gogorarazi du "EAEn euskarari status ofiziala esleitu eta legeak hizkuntz eskubideak aitortu arren, horien bermerako mekanismo juridiko-administratibo eraginkorrik ez dela abian jarri”.

Hamar urte horietan "hizkuntz eskubideen urraketak errepikatu" egin direla salatu du. Petriatiren arabera, euskararen normalizazioari ez zaio behar bezain beste garrantzi eman, eta ondorioz, "ez da behar beste aurreratu".

2001etik 2010era bitartean egindako lana txosten batean bildu zuen Behatokiak pasa den abenduan.

Berria

ETB1ek 'Sautrela' literatur saioa erretiratu egingo du, 12 urteren ostean

ETBk literaturari eskaintzen dion saio bakarra apirilean amaituko da betiko: Sautrela. Hala baieztatu du Hasier Etxeberria programako aurkezle eta zuzendariak gaur Twitterren: "Zabaltzen ari denez, bai, egia da: apirilaren 8an, hamabi urteren ostean, 351 atalarekin desagertu egingo gara".

Joselu Blanco ETBko programazio zuzendariak ondoren uberan.org-i esan dio aurten hamahiru saio egingo dituztela, eta gehiago ez ekoiztearen arrazoia ekonomikoa dela. "Baina horrek ez du esan nahi 2013an Sautrela-ren atal gehiago egingo ez denik".

Orio Produkzioak ekoizpen etxeak egin du urteotan euskarazko literatur saio hori. Hainbat lagun aritu dira gidoilari lanetan urteotan; besteak beste, Kirmen Uribe, Eider Rodriguez eta Jon Benito. Denboraldi honetan Lander Garro dabil gidoilari.

Dozenaka idazle elkarrizketatu ditu urteotan Etxeberriak Sautrela-n. Horrez gain, idazleek irakurketa hautatuak egin izan dituzte programarako.

Sautrela ez zuten joan den udazkenean emititu, diru faltagatik, Etxeberriak BERRIA adierazi zionez: "Iaz, ez zen dirua iritsi. Orain, 2012ko diruekin abiatu gara. Oraingoz, atal sorta berri bat egitera goaz". Urtarrilaren 21ean hasi zuen azken denboraldia literatur saioak, Jose Luis Alvarez Enparantza Txillardegi zenari eskainitako atal batekin.

Berria

Sautrela

Zer pizgarri dute hemengo umeek euskaraz hitz egiteko?

“Gehiago dira titulua buruan darabiltenak, ‘euskara ikasi nahi dut’ esanez datozenak baino. Hala ere, ikasle euskaltzalea dugu”, Andoni Landa Arozenak esana.

Hementxe elkarrizketa osoa

Argia.com

EITBko kazetariek euskaldunei esanak erdaraz errepikatzeko eskatzea normaltzat jo du Jaurlaritzak

"Lankide bati gertaturikoak aspaldiko kontu bat piztu zuen sarean, eta horren harira galdera iritsi da gaur Eusko Legebiltzarrera. Aralarreko Mikel Basabek egin dio Blanca Urgell Kultura sailburuari: ea ETBko kazetarien ohitura hori, euskaldunei esanak erdaraz errepikatzeko eskatzekoa, ezabatu daitekeen, eta euskara agerikoagoa izan daitekeen horrela ETB2n. Urgellek erantzun dio ados dagoela euskararen bisibilitatearen kontuarekin, zentzuzkoa dela euskaldunen hitzak behin esan eta bi kateetan agertzea, baina gehitu du gauzak horrela egitea, "normaltasunaren" seinale diela, eta gainera hala omen dago adostua eta arautua: elebidunei bi aldiz eskatzea gauza."

Luistxo Fernandezek idatzia

"Euskara Bizia" batzordea sortu du Bizkaiko Aldundiak

Bizkaiko Foru Aldundiko Gobernu Kontseiluak "Euskara Bizia" batzordea sortzea erabaki du, Bizkaiko Lurralde Historikoan euskararen alde lan egiten duten elkarteak laguntzeko eta haien jarduerak koordinatzeko. Batzorde hori kide anitzeko organo aholku-emaile bat izango da eta Bizkaiko Foru Aldundiko Kultura Sailari atxikita egongo da.

Honako eginkizun hauek izango ditu, besteak beste:

• euskararen alde lan egiten duten elkarteen arteko koordinazioa eta lankidetza sustatzea
• Aldundiaren jardunari buruzko neurriak proposatu eta bideratzea
• gomendioak eta proposamenak egitea
• eta elkarte eta erakundeen arteko harremanetarako eta komunikaziorako foro gisa jardutea.

Batzordeak kide hauek izango ditu: Bizkaiko Foru Aldundiko hiru ordezkari (Kulturako diputatua, Euskara Sustatzeko zuzendari nagusia eta Hizkuntza Gizarteratzeko Ataleko burua) eta erakunde hauetako ordezkari bana: Eudel, Alkarbide, Azkue Fundazioa eta euskararen alde lan egiten duten elkarteak, erakundeak eta pertsona ospetsuak.

Kulturako diputatuak berak izendatuko ditu elkarteak, erakundeak eta pertsonak, foru agindu bidez, eta Josune Ariztondo Kultura diputatua izango da lehendakari.

Sustatu